DC MWANZIVA ARIDHISHWA NA USIMAMIZI MZURI KATIKA UTEKELEZAJI WA MIRADI YA MAENDELEO JIMBO LA LINDI MJINI.

Imetumwa: July 25th, 2025

Ziara ya Kata Kwa Kata inayo ongozwa na Mkuu wa Wilaya ya Lindi Mhe. Victoria Mwanziva imetamatika Kwa kuridhishwa na utekelezaji wa miradi mbalimbali ya maendeleo mara baada ya kutembelea na kukagua miradi hiyo.

Miongoni mwa miradi na shughuli hizo ni pamoja na Ujenzi wa madarasa manne katika Shule ya Msingi Mpilipili wenye kiasi Cha shilingi 96,000,000, kutembelea kikundi Cha wamachinga kata ya ndoro wenye kiasi Cha fedha shilingi 7,000,000 mapato ya ndani, kutembelea soko la Saba Saba wenye thamani ya shilingi 40,564,000.

Miradi mingine ni pamoja na kutembelea stand kuu ya mabasi nakuona shughuli zinazofanyika, Ujenzi wa madarasa manne shule ya Msingi Rahaleo wenye thamani ya shilingi 96,000,000 Ukaguzi wa kikundi Cha vijana Cha mapambo kata ya mwenge chenye thamani ya shilingi 20,000,000 kutembelea na kukagua shughuli zinazofanyika katika soko la fisi, Ukaguzi wa shule mpya ya stadium madarasa ya awqli wenye thamani ya shilingi 334,600,000.

Sambamba na hilo ametembelea eneo litakalo jengwa soko  kuu lenye thamani ya shilingi 3,861,525,000, Ujenzi wa Shule mpya ya Msingi ya likong'o kata ya mbanja wenye thamani ya shilingi 1,278,341,300 sambamba na kutembelea ukamilishaji wa shule mpya ya Sekondari ya Hamida ep Qassim iliyopo kata ya Rasbura yenye thamani ya shilingi 560,552,827.