WAANDIKISHAJI WA DAFTARAI LA MPIGA KURA WAPEWA NONDO ZA KIKANUNI KUELEKEA UCHAGUZI WA SERIKALI ZA MITAA

Imetumwa: October 7th, 2024

  Ikiwa zimesalia siku tatu kuelekea zoezi la Uandikishaji wa Daftari la Mkaazi, Msimamizi wa Uchaguzi wa Halmashauri ya Manispaa ya Lindi Juma Mnwele, ameongoza Mafunzo Kwa Maafisa uandikishaji 353 wa  uandikishaji wa Daftari la mpiga Kura la Uchaguzi wa Serikali za Mitaa kwa Ngazi za Mitaa na Vitongoji leo Oktoba 7,2024.

Katika Mafunzo hayo yaliyofanyika  Ukumbi wa Lindi Dockyard Hall center mjini Lindi, Washiriki wamepata fursa ya kufaham Kwa kina Sheria na kanuni zinazoongoza utekelezaji wa Majukumu yao.

Erasto Nombo ni Mjumbe wa Timu ya Uchaguzi wa Halmashauri ya Manispaa ya Lindi ambae pia ni Kaimu Mkuu wa Kitengo cha Huduma za kisheria, amewatoa hofu  washiriki yakwamba ipo Kinga ya kisheria inayowalinda kutoshtakiwa Kutokana na Makosa yanayoweza kujitokeza wakati wa Uandikishaji hata hivyo wajitahidi kuwa makini na kufuata taratibu na kanuni zilizowekwa na Mamlaka ya Serikali za Mitaa ili kuepuka usumbufu wa aina yoyote.

Hata hivyo Waandikishaji hao wamekula kiapo cha uaminifu kwa kuongozwa na Hakimu Mkazi Mfawidhi, Delphina Kimath

Uandikishaji wa Daftari la Mmpiga Kura utafanyika Kwa muda wa siku kumi,11-20/10/2024