Wasichana 99 kutoka Manispaa ya Lindi wawezeshwa kujiunga katika vyuo vya Maendeleo ya Wananchi katika mwaka 2019.

Imetumwa: May 21st, 2019

Manispaa ya Lindi yafanikiwa kupeleka wasichana 99 katika vyuo mbalimbali vya Maendeleo ya wananchi katika mwaka 2019.

Uwezeshwaji wa Wasichana hawa unatokana na mpango wa Taifa wa kutokomeza Ukatili wa Wanawake na watoto (MTAKUWWA)wenye lengo la kutokomeza ukatili wa Wanawake na Watoto hadi mwaka 2030

Baada ya kampeni mbalimbali kufanyika za kuhamasisha umuhimu wa elimu kwa Mtoto wa kike kwa kaulimbiu isemayo“ mwache akue, Asome, mimba baadaye” Mafanikio yamepatikana kwa wasichana 99 kuweza kuripoti katika vyuo hivyo.

Serikali kwa kushirikiana na wadau inafanya jitihada mbalimbali kufikia lengo la MTAKUWA,ikiwa nia pamoja na kushirikiana na wadau mbalimbali wa maendeleo ikiwemo KTO-(Karibu Tanzania Organisation) kwa kushirikina na Wizara ya Elimu inaendesha Mpango wa Elimu Haina Mwisho (EHM) kwenye Jumla ya vyuo 30 kati ya vyuo 55 vya Maendeleo ya Wananchi nchini “Focal Development College – FDCs”

Mpango huu unalenga wasichana waliokatishwa masomo kwa sababu mballimbali ikiwemo ujauzito, ukeketaji, mimba za utotoni na sababu nyinginezo,Vigezo vya kujiunga na mpango huu wa EHM ni;

    Umri usiozidi miaka 25

    Awe raia wa Tanzania

    Amekatizwa masomo kwa sababu mbalimbali.

Kati wasichana 191 waliopata nafasi katika vyuo, wasichana 162 sawa na asilimia 84% wametoka Mkoa wa Lindi, Manispaa ya Lindi ikiongeza kwa kupeleka wasichana 99 sawa na 61%.  Wasichana wengine 29 sawa na asilimia 16% wametoka mikoa mbalimbali ya Tanzania ikiwa ni pamoja na mikoa wa Pwani, Tanga, Morogoro, Mtwara, Kilimanjaro, Manyara, Dodoma na Iringa.

Mafunzo maalum yalitolewa kwa wasichana kabla ya kwenda vyuoni kwa msichana mmoja mmoja pamoja na wazazi au walezi ikifuatiwa na mafunzo siku moja kabla ya kuripoti chuoni (Mentorship day).

Mafunzo haya yana lenga aina za fani zilizo katika chuo husika, uchanguzi wa kila fani, endapo atafaulu anaweza kuajiriwa/kujiajiri vipi na atawezaje kuendelea na masomo ya astashahada na shahada.

Pia mafunzo ya kujitambua, mbinu za kusoma ili kufaulu, umuhimu wa kuwa na tabia njema, kujiepusha na makundi mabaya, kujiepusha na siasa, elimu ya ugonjwa wa Ukimwi, homa ya ini na Magonjwa mengineyo.

Kwa taarifa zaidi soma hapaTAARIFA YA WASICHANA KUJIUNGA NA VYUO VYA MAENDELEO YA WANANCHI 2019 2021.pdf